تردد سات

تردد سات هو موقع متخصص بالتقنية والساتلايت والقنوات التليفزيونية و ترددات القنوات واخر مستجداتها عند متابعتك للقناة ستجد شروحات ومقالات تقنية بها حل لكل مشاكل الساتلايت والالكترونيات واجهزة الريسيفر وانظمة استقبال القنوات الفضائية

آخر الأخبار

جاري التحميل ...

انطباعى وتجربتى لقطعة انفرتو بلاك الترا inverto black ultra lnb

انطباعى وتجربتى لقطعة انفرتو بلاك الترا inverto black ultra lnb

السلام عليكم ورحمة الله وبركاتة طبعا قطعة الدش LNB من اهم اجزاء منظومة عناصر استقبال القناة الفضائية لانها هى بتكبر اشارة الاقمار الصناعية اللى بتكون ضعيفة جدا وبتكبرها اكتر من مرة علشان فى الاخر تكون قناة فضائية يعنى لو نسبة التكبير بتاعة القطعة ضعيفة هتاثر جدا فى الاستقبال ومع كثرة الاقمار ووجود ترددات قنوات مهمة وبتكون حزمة ضيقة وبتحتاج لاقط قوى علشان يكبر الاشارة لاقصى درجة ممكنة 
انواع اللواقط كتير ولكن للاسف السوق اصبح مليان لواقط سيئة جدا رغم ان االسوق المصرى كان بيوصل فية افظل انواع اللواقط زى سوبر فورس وفوجى وهاى جين واسترا ودى كان لواقط ممتازة ولكن للاسف كلها اختفت من السوق اما الانواع الرائعة فهى موجودة فى الخليج ومن اشهر الانواع المشهورة هى قطع انفرتو ودى شركة اوروبية عملاقة مقرها لوكسمبورج وليها توكيل فى الامارات فى دبى وفية شركة ستارجولد اللى بتنتج انواع  زى ستار جولد وستار جولد فوجى وفية كمان القطعة الاروع سانتيك santech فانا ليا صديقى فى دبى خليتة يجيبلى قطعة انفرتو بلاك الترا 2 مخرج ودة فيديو فتح علبتة اول ما جبتها 
القطعة دى بتتباع فى دبى و فى بعض دول الخليج وسعرها يعتبر غالى شوية 
انطباعى الاول عن القطعة ان جودة التصنيع رائعة القطعة تحس انها متكلفة ومعمولة انها تعيش فترة طويلة وخاماتها نضيفة جدا الحقيقة انى لما جربتها فرقت معايا فى الاشارة جدا يعنى شلت القطعة القديمة وحطيت القطعة دى الاشارة فرقت اقل حاجة 15%
الشىء الوحيد اللى ما عجبنيش فيها هو ان سعرها غالى سعرها inverto black ultra سعر تقريبا هو اغلى من سعر الريسيفر الحقيقة انا لسة ما جربتهاش على بقية الاقمار لان القطعة دى ليها ميزة وهى   تعديل انفرتو بلاك الترا بفيد هورن يخليها استقبالها اقوى مع الاطباق الكبيرة بس ان شاء الله هوافيكم بالنتايج اول باول واى استفسار انا تحت امركم 

عن الكاتب

mostafa elk

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

تردد سات